ಪ್ರೇಮ ನಿವೇದನೆ

ಪ್ರೇಮ ನಿವೇದನೆಯೊ೦ದರ ವಿಭಿನ್ನ ನಿರೂಪಣೆ.
ಸ೦ಜೆಗತ್ತಲು  ಮಬ್ಬು
ನಿಧಾನವಾಗಿ  ತು೦ಬುತಿದೆ ಪಬ್ಬು
ಭುವಿಯ ಎದೆಯಲ್ಲಿ ಬಿಸಿಯ ನಂಜು
ಸುತ್ತೆಲ್ಲೂ ಹೊತ್ತಿಲ್ಲ ಕತ್ತಲ ಪಂಜು

ನನ್ನ ಮಾತೆಲ್ಲ ಮುಗಿದು
ಕತ್ತಲು, ಕಾರ್ಮೋಡ ಕವಿದು
ಬಿಳುಪಾಯ್ತು ಕಪ್ಪು ಮೋಡದ ಅಂಚು
ನಿನ್ನ ಬೆರಳಲ್ಲಿ ನನ್ನ ಉಂಗುರದ ಮಿಂಚು
ಮಳೆ ಸುರಿದು, ಇಳೆ ತಣಿದು
ಶುರುವಾಯ್ತು ಪ್ರಣಯ.

ಕನಸು

ಹೀಗೊಂದು ಕನಸು ಬಿತ್ತೆನಗೆ...
ಓದಿ ನೋಡಿ; ಖುಷಿಯಾಗಬಹುದು ನಿಮಗೆ.
-----
ಅವಳ ಕಣ್ಣ ಕಾಂತಿಯು
ನನ್ನೆದೆಯ ಗೋಡೆಯ ಸೀಳಿ
ಹೃದಯದೊಳಗೆಲ್ಲ ಹರಡಿತು ಬೆಳ್ಳಿ ಬೆಳದಿಂಗಳ..
ಆ ಬೆಳಕಲಿ ಕಂಡೆನವಳ
ಮೊಗವ, ಆ ಮುದ್ದು ನಗುವ
ಕಣ್ಣು ಮಿಟುಕಿಸಿ, ತೆರೆದು ನೋಡಲು ಬೆಳಗು ಮೂಡಿದೆ ಜಗದೊಳು..
ಛೆ! ಮತ್ತೆ ಕತ್ತಲು ಮನದೊಳು...

ಚಟಾಕಿ-LOVE

ವಿಜ್ಞಾನಿಯೊಬ್ಬ ತನ್ನ ಪ್ರೀತಿಯನ್ನು ಹೀಗೆ ವಿವರಿಸಬಹುದು..

ನನ್ನ ಪ್ರೀತಿ ಪ್ಲಾಸ್ಟಿಕ್ ನಂತೆ
ಎಂದೆಂದೂ ಕೊಳೆಯದೆ
ಮಣ್ಣಲ್ಲಿ ಕರಗದೆ ಕಾಯುವುದು ನಿನಗಾಗಿ ಚೆನ್ನೆ,
ಸುಟ್ಟರೂ ಹೊಗೆಯಾಗಿ, ಉಸಿರಾಗಿ ಸೇರುವೆನು ನಿನ್ನೇ.

ನನ್ನ ಪ್ರೀತಿ ಮರದ ಎಲೆಯಂತೆ
ನಿನಗಾಗಿ ಚಿಗುರಿ
ನಿನ್ನ ನೋವಿನ ಕಾರ್ಬನ್ ಡೈಆಕ್ಸೈಡ್ ಹೀರುವೆ,
ನಿನಗೆ ನಲಿವಿನ ಆಕ್ಸಿಜನ್ ನೀಡುವೆ ಚೆಲುವೆ.